محلاتك اللى بتحبها
كلها في جيبك
بطّل تلفّ في البلد عشان كيلو طماطم او كيس بقسماط. اطلب من تجّار قريتك، ادفع كاش لما يوصلك، واقعد مأنتخ 😎 — إحنا هنجيبهولك لحد باب البيت 🛵
مجاني · دفع عند الاستلام · التوصيل عن طربق ولاد بلدك
شوف بعينك 👀
سهل وبسيط — تفتحَ، تطلب، يوصلك. تلات تكات وخلصنا.
اطلب من كذا محل..
في طلب واحد 🛍️
عايز فول من «عمارة» وقهوة من «نيترو» في نفس الوقت؟ حطّهم كلهم في سلة واحدة، ادفع مرة واحدة، وكله ييجي لباب البيت. بطّل تعمل ٣ طلبات وتدفع ٣ مرات 😎
- سلة واحدة لكل المحلات
- تدفع مرة واحدة كاش
- توصيل مجمّع لباب البيت
- وتتابع كل طلب لوحده
زي ما باين — طلب من متجرين، إجمالي واحد ٢١٧ ج.م 😉
محلات بلدك انت..
مش بلد حد تاني 😎
أول ما تسجّل، بنسألك انت في أنهي قرية. وبعدها نوريك محلاتها + أقرب بلد بتوصّلك. وبس.
مش هنوريك مطعم في أسوان وانت في ميت محسن 😂 عشان الكشري يوصلك سخن — مش من محافظة تانية بعد بكرة 🍲🚗💨
- تحدد قريتك مرة واحدة بس عند التسجيل
- تشوف محلات بلدك انت — مش حاجة تانية
- + المحلات القريبة اللي بتوصّل لك فعلاً
- مفيش محلات بعيدة متلغبطك ومش هتوصّلك
تحدد مكانك مرة… وننساك بقى من السؤال 😄
اطلب وانت في بيتك..
ووصّلها لبيت ستك 👵
وانت بتأكّد الطلب، اختار يوصل لأي عنوان محفوظ عندك. هي تستلم في بيتها وانت مرتاح في بيتك ❤️
بس بشرط واحد: يكون في نفس البلد. عايز تطلب من بلد وتوصّل لبلد تانية؟ مش هينفع — احنا مش بنتغفّل 😎
- احفظ بيتك، بيت ستك، الشغل… كله جاهز
- وانت بتأكّد الطلب، اختار يوصل لأنهي عنوان
- بشرط العنوان يكون في نفس بلد الطلب
- عنوان في بلد تانية؟ مش هيظهرلك أصلاً 🙅
عشان السواق ميلفّش محافظات وانت قاعد 🛵😄
طلبك المعتاد..
بضغطة واحدة ⚡
بتطلب نفس الفطار كل صبح؟ نفس البقالة كل أسبوع؟
هاتلي بيحفظهولك — تدوس «اطلبه تاني» ويتبعت زي ما هو.
عمرك ما هيبقى الطلب أسرع من كده 😎
- طلباتك المتكررة محفوظة جاهزة
- ضغطة واحدة على «اطلبه تاني» وخلاص
- حتى لو الطلب من كذا محل مع بعض
- وعدّله الأول لو حابب قبل ما تبعت
احفظ طلباتك المتكررة وابعتها بضغطة — يومياً أو وقت ما تحتاج.
كل اللي نفسك فيه.. من بلدك
من الفطار للعشا، ومن البقالة للموتوسيكل اللي بيوصّلك — كله عندنا وبأسهل طريقة.
محلات بلدك
المحلات اللي عارفها من وانت صغير — أكل، بقالة، خضار وفاكهة — بقت في موبايلك.
ادفع كاش
ادفع لما الطلب يكون فى إيدك.
لحد باب البيت
سواقين من البلد يجيبولك طلبك وانت لابس البيجامة. ولا تقوم من على الكنبة 🛵
عارف بلدك كويس
هاتلي متظبّط على قريتك — محلات وأسعار ومناطق توصيل على مقاس مكانك.
أسرع من 'يا عم هات'
تفتح، تدوس، تطلب. تلات دوسات وطلبك في السكة.
تجّار مظبوطين
كل تاجر بنراجعه الأول قبل ما يظهر. تطلب وانت مغمّض ومطمّن.
نزّل هاتلي وابدأ اطلب
امسح الكود بموبايلك والتطبيق هيتفتح.لسه بنجهّزه.. اصبر علينا شوية 😄
كبّر شغلك مع هاتلي 🚀
تاجر ولا مدير قرية — مكانك محجوز. سيب لنا بياناتك وإحنا هنرنّلك.
عندك محل؟ تعالى بيع معانا
افتح محلك على هاتلي ووصّل لأهل بلدك. تدير طلباتك ومنتجاتك من موبايلك — من غير صداع.
التسجيل هيفتح قريب.. جهّز نفسكعايز تبقى واحد من رجالة هاتلي
كن مدير قرية — تابع التجّار والسواقين، وساعد بلدك تدخل السوق الرقمي وانت كسبان.
التسجيل هيفتح قريب.. جهّز نفسكأسئلة شائعة
إيه هو هاتلي أصلاً؟+
تطبيق بيخلّيك تطلب من محلات بلدك وتستلم في البيت وتدفع كاش. كده يعني — السوق جايلك بدل ما تروحله.
شغّال فين دلوقتي؟+
بدأنا في ميت محسن وميت غمر، وبنوسّع لبلاد تانية قريب إن شاء الله. بلدك جاى عليها الدور 😉
بدفع إزاي؟+
حاليا كاش لما يوصلك الطلب فى ايدك.
أنا تاجر وعايز أنضم؟+
اضغط «سجّل محلك» فوق وسيب بياناتك، وإحنا هنكلمك ونفتحلك محلك على هاتلي.